606-38-38
Прадукцыя

Шафы купэ

Зручная і функцыянальная: як выбраць шафу купэ за 8 крокаў?

Шафа купэ – даўно не модная тэндэнцыя, але неад’емны прадмет хатняга інтэр’еру.  Зручная і ёмістая, яна эканоміць месца і можа ўпісацца нават у самы нестандартны кут. Галоўнае, пры набыцці выбраць тую шафу, аб якой не пашкадуеш ні праз год, ні праз пяць. Давайце паспрабуем прайсціся па пунктах, што важна ўлічыць пры выбары шафы купэ:

Крок №1: вызначаем функцыянал

Для пачатку варта вырашыць, хто будзе карыстацца шафай: Вы, уся сям’я альбо дзеці.

Потым вызначаем, што будзе захоўвацца ў шафе: уся вопратка альбо толькі верхняя. Ці патрэбныя антрэсолі, каб класці туды пасцельную бялізну, альбо спатрэбяцца некалькі шуфлядаў для дробных рэчаў.

І, каб зрабіць карэктныя замеры, вызначаем дзе шафа будзе стаяць.

Крок № 2: малюем будучую шафу

Візуалізацыя вельмі дапамагае. Калі Вы вызначыліся, што будзе знаходзіцца ў шафе, трэба вызначыць кожнаму віду рэчаў сваё месца. Не бяда, калі Вы не ўмееце карыстацца рознымі графічнымі рэдактарамі, бярыце лінейку, аловак – і ні ў чым сабе не адмаўляйце ))

Дастаткова будзе простых накідаў і пазнакаў! Самае галоўнае, каб унутранае напаўненне шафы было не толькі ў Вашай светлай галаве. І тады дызайнер, які прыедзе на замер, вельмі хутка і якасна зробіць першыя эскізы шафы.

У ідэале варта абазначыць і вышыню паліцаў, на якіх будуць захоўвацца тыя ці іншыя рэчы, каб яны не памяліся і не дэфармаваліся. Напрыклад, для высокага абутку спатрэбяцца паліцы вышынёй 50 см. Для доўгіх сукенак і паліто – прыкладна  150 см. Гэтыя лічбы, безумоўна, залежаць ад гаспадара шафы і ягоных памераў )) Так што ўсе лічбы будуць індывідуальнымі.

Што тычыцца глыбіні шафы, зазвычай, гэта стандартны памер – 60 см.  Таксама не забывайцеся на шырыню кожнай секцыі шафы, сыходзячы з памераў месца, якое Вы пад яго адвялі.

Крок №3: вызначаемся з канструкцыяй

Па канструкцыі шафы купэ падзеляюцца на корпусныя і ўбудаваныя. Першыя выглядаюць як звычайная шафа: сценкі, панэль пад столю, дно, дзверы (фасады) і паліцы. А вось убудаваная шафа, па сутнасці, уяўляе сабой толькі дзверы з напраўляючымі і паліцы. Каркасам  для такіх шафаў служаць сцены, падлога і столя.

Крок №4: робім замеры

Каб ні ў чым не  памыліцца,  лепш скарыстацца паслугамі замершчыка.  Набраць нумар (8029) 636 38 38  і Цесляры накіруюць да Вас свайго спецыяліста.

Крок №5: выбіраем матэрыял

Шафы купэ, у большасці выпадкаў, робяць з ДСП. Можна выкарыстоўваць МДФ, дрэва ці фанеру, што, аднак, істотна падвышае кошт вырабу.

Дарэчы, часам, кліенты аддаюць перавагу камбінаваным шафам. Фасады ў іх робяць з МДФ ці дрэва, а паліцы і корпус – з ДСП.

Крок № 6: пераходзім да дзвярэй

Каб дзверы надзейна  і доўга служылі, звяртаем увагу на некалькі нюансаў:

  • Мы выкарыстоўваем дзверы сістэмы “Сенатар”, якія зверху ездзяць з дапамогай ролікаў, знізу – на колцах. Таксама могуць быць навесныя дзверы сістэмы “Хетых”: у такім выпадку дзверы чапляюцца адмысловымі механізмамі за столю шафы.
  • Даводчыкі. Увогуле, іх наяўнасць неабавязковая. Але з імі дзверы павольна і мякка дазачыняюцца.
  • Дэкор. Часцей за ўсё перавага аддаецца люстэрку, шклу ці ДСП. Але ўпрыгожыць дзверы можна і пескаструйным малюнкам ці поўнакаляровым прынтом, экаскурай ці шпалерамі.

 

Даверцеся свайму густу і нашым рэкамендацыям! ))

Крок №7: фурнітура

Часцей за ўсё, у шафе купэ выкарыстоўваюцца шуфляды, якія могуць функцыянаваць з дапамогай напраўляючых ці тандэмаў. Можна выкарыстоўваць адмысловыя кошыкі, механізмы для нагавіц ці гальштукаў і інш. Нашыя дызайнеры прапануюць вам усё гэта пад час замеру.

 

Тэлефануйце – мы зарыентуем вас па кошце ды прыедзем на замер!

ЗАМОВА МЭБЛІ
Вы можаце замовіць мэблю любым зручным для Вас сродкам: 1. праз пошту cesliary@gmail.com 2. праз адмысловую форму на сайце 3. па нумары 8 (029) 106 33 41
ЗАМЕР
У зручны для Вас дзень і час майстар прыедзе і зробіць замер памяшкання ды першасны эскіз праекту мэблі. Па адмысловых палітрах і ўзорах Вы абярэце матэрыял і колер, фурнітуру і механізмы вырабу.
УСТАЛЁЎКА
Цягам 3 — 15 працоўных дзён (у залежнасьці ад складанасці вырабу і разнастайнасці абраных матэрыялаў) прафесійныя ўсталёўшчыкі змантуюць абраную Вамі прыгажосць без шуму і пылу (ці з мінімальнай іх колькасьцю). Памятайце, што мы заўжды радыя працаваць для Вас!
4.9/5
сярэдняя адзнака за замову на facebook
Нумар занадта кароткі
ператэлефанаваць мне
Ў бліжэйшы час з Вамі звяжацца наш мэнэджэр